GULAT AT SA NANLALAKING mga mata na tinignan ni Alverah ang pagmumukha ni Matthew. Hindi siya makapaniwala sa biglaang pagkarga nito sa kaniya.
"Maayos naman na ako, Matthew," mahina sa boses niyang ani sa lalaki ngunit hindi ito umimik at mas piniling magsimula na sa paglalakad papasok ng mansion.
Habang naglalakad ito at nanatiling nasa bisig siya ng lalaki ay hindi nakatakas sa kaniya ang tinginan ng mga katulong na iginagawad sa kaniya. Nakaramdam naman agad siya ng hiya at mas piniling ibaon na lamang ang mukha sa may dibdib ng lalaki lalo na't mukhang wala talaga itong balak na ibaba siya.
Mabilis na nalanghap niya ang pabango nito at palihim na pinuno ang baga sa amoy nito. Sa sobrang nawili sa ginagawa ay napansin na lamang niyang paakyat na sila ng hagdan.
"Stop smelling me li
