IKA-28 NG OKTUBRE
MAGKAHARAP KAMI NI Sunshine para maglaban. Kanina, bago ako maging multo, pinagbantaan niya akong itutodo niya ang kanyang lakas para hindi ko na muling maagaw sa kanya ang bulaklak ng sunflower kaya dapat akong maghanda. Sinagot ko naman siya na siya dapat ang maghanda dahil mas malakas na ako sa kanya.
Nawala ang ngiti ni Sunshine at napaatras siya na ipinagtaka ko. May kung anong nangyayari sa kanya at nabitiwan niya ang bulaklak. “Lukas…” mahinang tawag niya sa ‘kin nang mapaluhod siya sa sahig.
Agad kong naisip na puntahan siya. Pero bago pa man ako mapunta sa tabi niya, natumba na siya sa sahig. Nawalan siya nang malay. Ilang beses ko siyang tinawag habang yakap ko siya sa aking bisig, pero hindi siya magising. Tumayo ako at magaan ko siyang nabuhat. Dinala ko si
