ROXANNE
Mabilis niyang nilapitan si Tita Elay dahil pakiramdam niya ay mahihimatay ito.
"Tita, maupo muna ho kayo rito saglit." At inalalayan niya ito sa may puting upuan na naroroon.
"Iyong apo ko," umiiyak na sabi nito.
"Tita, wala ho kayong apo. Hindi po totoong buntis si Madisson, niloko niya lang po kayong dalawa ni Elliot. Humanda sa akin ang babaeng iyon!" inis na sabi niya pero ang totoo ay tuwang-tuwa siya. Tila nakikiayon sa kan'ya ang lahat dahil mantakin mo? Wala pa man nga siyang ginagawa pero tadhana na ang gumanti para sa kan'ya dahil sa pang-aagaw ni Madisson sa kan'ya kay Elliot.
"Hindi ko alam Roxanne, kung paano iyon nagawa sa amin ng anak ko. Naging mabuti kami sa kan'ya at tinanggap ko na siya ng buong puso," Sabay iyak nito.
"Tita Elay, hindi po ba ay sinabi ko
