"Ah oo, sakto kasi kanina ay nagkasalubong kami sa may daan. Nagmagandang loob lang siya na isabay ako dahil maggo-grocery din siya," seryosong sabi niya rito.
Bahagya lamang itong tumango.
Mabilis naman niya itong nilapitan at hinawakan ito sa may isang kamay. "Gil, are you mad?" alalang tanong niya rito.
"Why should I?"
"Are you sure?" paninigurado niya.
"He is your husband and the father of Mavie, ano ba ang laban ko?" malungkot na ngiti nito.
"Gil, ayan ka na naman eh. Huwag ka na ngang mag-isip ng gan'yan—"
"Natatakot lang ako," mabilis na putol nito sa sinasabi niya.
Mabilis naman siyang natigilan at hinintay ang susunod na sasabihin nito.
"Natatakot ako na baka isang araw magising na lamang ako na mag-isa na lamang ako rito. Na sumama na kayong dalawa ni Mavie kay Elliot,
