SA isang mental hospital…
Isang lalaking doktor ang kaharap ko habang ako ay nakayuko. Kinukutkot ko ang aking daliri. Bahagya akong umiiling-iling na para bang may mga boses na bulong nang bulong sa aking tenga na gusto kong mawala. Nasa isang silid kami na kaming dalawa lang ang naroon. Sa pagitan namin ay isang maliit na lamesa habang kapwa kami nakaupo sa isang upuan na yari sa kahoy.
“Maari mo bang ikuwento kung ano o sino ang pumatay sa mga kaibigan mo?” tanong ng doktor sa akin.
Nanatili akong nakayuko. Gulo ang isip...
Tumikhim siya. “Uulitin ko ang aking katanungan. Maaari mo bang--”
“Si Hanna!” bigla kong sabi. Bahagya kong iniangat ang aking mukha para salubungin ang tingin ng doktor pero agad din akong yumuko. Tila ba may mga imahe akong nakikita sa kanyang likuran. Mga im
