SINUNDAN ni Jasper ang lalaki nang umakyat ito sa mataas na bahagi ng isla kung saan naroon ang kubo nito. Medyo nabahala siya sa galit na ipinakita nito sa kanila kanina kahit wala naman silang ginagawang masama. Ngunit kailangan niya itong kausapin nang maayos at baka sakaling mapapayag niya itong manatili sila sa isla ng tatlong araw. Kahit magbayad pa siya ay gagawin niya.
Nakakapagod ang pagtungo sa kubo dahil pataas ang daan. Kumatok siya sa pinto ngunit sinigawan lang siya ulit ng lalaki.
“Sinabi nang umalis na kayo!”
“Pero, sir, kahit magbayad na lang po kami sa inyo…”
Wala na siyang nakuhang sagot mula dito kundi katahimikan. Kumatok siyang muli ngunit wala na yata talagang balak ang lalaki na i-entertain siya. Hanggang sa magdesisyon na siyang pasukin ang kubo. Marahil ay may
