Namangha ako sa bahay na pinagdalhan sa akin ni Jerome. Malaki iyon at may mga katulong. Mas malaki pa sa bahay ng taeng nanloko sa akin. Pero siyempre, hindi naman kay Jerome ito. Nakakahiya, dinala pa niya ako sa pinagtatrabahuan niya.
"Halla, Jerome. Bagong trabaho mo? Driver ka ng mayamang tao?" sabi ko na lalong namangha dahil sa mga paintings sa sala. Ang lalaki kasi at halatang mamahalin. May iba'tibang vase rin na naron sa gilid. Grabe, yayamanin ang may ari.
Napakamot lamang si Jerome sa ulo habang hindi magkandaugaga at paikot-ikot ang tingin ko. Ang laki talaga ng bahay. Pero baka magalit amo niya na nagdala siya ng babae. Baka akalain jowa niya ako. Siyempre, saan ako matutulog? Sa kuwarto ni Jerome for sure. Sa driver's room.
"Actually..."
"Ang swerte mo naman na nakakita
