MAHABANG sandaling nakaupo lang nang magkatabi sa isa sa mga benches na naroon sa public park ng Victoria sina Therese at Benj. Abala ang dalaga sa pag-iyak kanina na hindi niya napansin na lumabas na sila ng Corazon. Si Benj ay tahimik lang, inabot sa kanya ang box ng facial tissue. Gustong iuntog ni Therese ang sarili sa windshield sa katangahan niya. Pagkakataon na niyang sabihin ang lahat kay Raphael pero wala siyang nasabing kahit ano. Para siyang batang umiyak lang. At nang gumaan na uli ang dibdib at bahagyang luminaw na ang isip, tinawagan niya ang number ng lalaki—nakapatay na ang cell phone nito.
Wala na siyang nagawa kundi sabunutan ang sarili at mahinang iuntog sa backrest ang ulo.
Itinabi ni Benj sa gilid ng kalsada ang kotse. Ang pang-apat niyang un
