"Vexie, baka naman pwede ka ng umuwi ngayon?" bakas sa tinig ni Annie ang pag-aalala nang tawagan siya nito.
Pinilit niyang bumangon mula sa pagkakahiga at iminulat ang inaantok pa niyang mga mata. "Ha? Mamayang hapon pa ako babalik diyan eh," aniya at napanguso. Nag-iisip kung bakit agad siyang pinapabalik nito.
"Pasensya ka na, Vexie. Hindi na kasi namin alam ang gagawin kay Alexus. "
Tila nagising ang diwa niya sa sinabi ng kaibigan. "Ha? Bakit? Anong nangyari kay Alexus?" Magkakasunod at puno ng pag-aalalang tanong niya kay Annie. Dinig niya ang pagbuntonh hininga nito sa kabilang linya.
"Kagabi pa niya ayaw kumain at lumabas ng silid. Hangang ngayon ayaw mag almusal at uminom ng vitamins niya, naka-kandado ang silid niya. Tingin ko ikaw hinahanap nito eh, " mahabang paliwanag ni A
