Sino Ang Dapat Kong Mahalin

Napakaganda ng suot na damit pang-kasal ni Cara, medyo kinakabahan siya at nae-excite dahil ikakasal na siya at natupad na niya sa nanay niya ang pagpapakasal sa simbahan. Hindi kase naranasan nang nanay niya na maglakad papunta sa altar, kagaya ng iba. Kaya ipinangarap niya nalang sa anak niya ang maikasal sa simbahan at sa lalaking mamahalin siya. Nakahanda na rin si Loui sa kasal nito kay Cara. Kinakabahan din at nae-excite ang nararamdaman nito. Di pa man nagsisimula ay pinasalamatan niya na lahat nang tao na pumunta sa engrandeng kasal nila ni Cara. Pero merong hindi inaasahan na bisita si Loui at si Cara. Nandoon din si Joey sa mismong kasal nila, hindi lang siya basta bisita. Nakasuot pa ito ng pangkasal na kagaya kay Loui. Hindi maiwasan nang mga tao na pag-usapan ang nangyayari sa loob nang simbahan. Kaya nagmadali ang dalawa na lumayo at pag-usapan ang nangyayari. “Bakit ka nandito!? Ano bang kailangan mo! Can you please leave us alone! Ikakasal na kami Joey! Nandito na kami sa simbahan! Wag mo na kaming guluhin ni Cara!,” ani Loui. “Alam mo Loui! Hindi pa naman talaga alam ni Cara kung sino sating dalawa ang mahal niya! kaya wala kang karapatan na pigilan ako sa lahat ng gusto kong gawin!,” ani Joey. Tinulak ni Joey si Loui para makadaan ito dahil hinaharangan ni Loui ang daanan. Mag-uumpisa na ang kasal, pero si Cara ay wala pa rin, nasa dressing room kase ito at pinapakalma ang sarili dahil kinakabahan siya ng sobra, hindi rin nito alam kung ano na ang nangyayari sa labas. Nag-umpisa na ang kasal, pero imbes na isang groom lang ang maglalakad ay dalawang groom ang pupunta sa harap ng altar at maghihintay kay Cara. Naguguluhan na ang lahat sa loob nang simbahan, pati na ang nanay at mga kaibigan ni Cara ay hindi alam kung ano ang mangyayari tanging pag-aalala lang ang nasa isip nila. Handa na si Cara, pero ang mga tao sa loob ay hindi pa handa. Hindi pa handa sa mangyayaring iskandalo. Hanggang sa bumukas na pinto ng simbahan at nakita na ng lahat si Cara kasabay ang liwanag na nanggagaling sa labas ng simbahan. Habang naglalakad si Cara ay naka-focus lang ang mga mata nito sa groom niyang si Loui. Hanggang sa marating niya ang altar. Laking gulat ni Cara na dalawang lalaki ang gustong kumuha ng kamay niya at dalawang lalaki ang gusto siyang pakasalan. “Anong nangyayari? J-Joey? Loui? B-Bakit siya nandito? Bakit ka nandito Joey?,” tanong ni Cara, kasabay ng pag-aalala niya. Hindi rin nito alam kung ano ang gagawin niya kaya naiyak na lamang ito. “Cara Lobrice! Hindi mo sila pwedeng pakasalan ng sabay, Nandito kayo sa simbahan! Nasa harap kayo ng diyos! Bakit hindi mo pag-isipan nang mabuti Ms.Lobrice kung sino ang papakasalan mo! Dito ka sa harap ng diyos magdesisyon! ngayon ka pumili kung sino sa kanila ang dapat mong mahalin!,” ani Father, na lalong nagpa-iyak kay Cara. Wala itong nagawa at tinakbuhan na lang niya ang dalawang lalaki para makatakas sa ginawa niyang kasalanan.