"Gusto rin kita."
"Matagal na kitang gusto."
"Ako mahal na kita, Lucas."
Wala sa mga iyan ang sinagot ko nang sabihin sa akin ni Lucas iyon. Naging tahimik lang ako at nakipagtitigan sa kaniya, waring hinahanap ang katotohanan sa mga mata niya, ngunit agad ding iniwas ang mga mata dahil natakot akong mabasa sa mga mata niya na totoo ang sinasabi niya.
"Hindi dapat na ginagawang biro ang mga ganiyang bagay, Lucas. Baka dahil ako ang madalas mong kasama kaya ganiyan ang iniisip mo," tugon ko sa kaniya habang nakaharap ang likod ko sa kaniya, ang buhok ay nililipad ng hangin. "Isa pa, baka dahil lang sa responsibilidad mo sa akin kaya mo iyan nasasabi."
"What age do you think am I to not know the difference between attachment and feelings, Noeria?" Seryoso ang tinig na tanong niya at h
