Gabriel P.O.V
"Tingnan mo nga naman! Talagang mga ugaling skwater ang pamilyang 'yon! Nakita mo ba papa kung paano nila ako binastos?" galit na sabi ni mommy nang makaalis na sila Esperanza.
Napabuntong hininga na lamang si lolo dahil sa naging asal ni mommy ngayon.
"Hindi mo kasi dapat ginawa iyon, Veronica. Hindi porket marami kang pera ay puwede ka ng magmataas sa kanila. Matagal ng nagtatrabaho si Conor sa atin noon bilang driver at noon pa man ay kilala ko na rin si Esperanza. Napakabait niyang bata at sobrang galang din, kaya hindi ko talaga alam kung ano ang rason mo kung bakit ganito ka na lang magalit sa kaniya," sermon sa kaniya ni lolo.
Pilit namang pinapakalma ni mommy ang kaniyang sarili. "Sorry sa nagawa ko kanina papa, pero matindi ang pagtutol ko na maikasal si Gabriel
