“Dean, may gusto sana akong sabihin sa iyo,” naalangang sabi ni Steffi.
Pagkagaling sa restaurant kasama sina Reena at Wesley ay tumuloy na siya sa bahay ni Dean. Ang dalawa naman ay maghahanda para sa pag-uwi sa mga magulang ni Reena.
Hinintay pa niya ang pagdating ni Dean dahil may dinaluhan pa itong meeting. Ayaw na sana niyang sabihin pa ang natuklasan dahil mukhang pagod na pagod ito. Subalit alam niyang kailangan nitong malaman.
“What is it Steffi?” wika nito habang nakapikit at nakakatang ang ulo sa headrest ng sofa.
Nag-alangan siyang sabihin ang pakay. Nanatili lang siyang nakatayo at nakatingin dito. Kaya ba niya itong saktan?
Huminga siya nang malalim. “Mabuti pa siguro kung huwag na lang.” Bigla siyang nawalan ng lakas. Akmang tatalikod na siya upang umalis nang tawagin si
