TIGAM sa luha si Angela habang minamaneho niya ang sasakyan ni Cedrick. Walang siyang alam kung saan siya papunta o magtatago kaya walang direksiyon ang kaniyang pagmamaneho. Magulo ang utak niya at puno iyon ng mga katanungan. Mga katanungang kahit siya ay hindi masagot-sagot.
Ano bang nagawa niyang kasalanan o pagkakamali at nararanasan niya ang lahat ng ito? Bakit siya sinasaktan ni Cedrick at ng pamilya nito?
Ibinigay niya ang lahat. Wala siyang inisip kundi ang magkaroon ng masaya at buong pamilya. Ang akala niya ay maibibigay iyon ni Cedrick sa kaniya ngunit nagkamali siya. Noong una lang siya naging masaya at sa huli ay impyerno na ang naging buhay niya sa piling ng lalaking pinakasalan niya.
Isa-isang bumalik sa alaala niya ang lahat ng masasakit na pinagdaanan niya. Sim
