HINDI mawala-wala ang ngiti sa labi ni Kenneth habang papasok sa loob ng bahay.
Sa buong buhay niya, ngayon lang siya kinilig ng husto na tila siya ay nasa alapaap!
Sa kabila nang sagot ni Hanna sa huling tanong niya, kinikilig pa rin siya at lalo niyang napatunayan na napaka-inosente pa nga ng babaeng iniibig niya!
Hindi niya makalimutan nang kumawala ang isang tawa niya ng sagutin siya nitong: hindi ko rin alam!
Ngunit naniniwala si Kenneth na may lihim na rin itong gusto sa kanya, ayaw lang nitong sabihin o marahil naguguluhan pa ito sa sariling nararamdaman.
At gagawin niya ang lahat upang mapagtanto nito kung ano ang totoong damdamin nito para sa kanya, hindi naman niya nakakalimutang napakabata pa nito.
At bago rin dito ang bagay na gagawin niya para sa dalaga - iyon ay ang lig
