PAGLABAS ni Hannah ng audiovisual room, nagulat siya nang makita si Cecilio na nakasandal sa pader. Napakapormal ng mukha nito habang nakatingin sa kanya. Tila hinihintay talaga siya ng binata na lumabas ng silid na iyon.
“W-what are you doing here?” nagtatakang tanong ni Hannah. Alam ba ni Cecilio na kanina lamang ay kasama niya ang pinsan nito? Tila nais niyang kabahan sa uri ng tingin na ibinibigay sa kanya ng binata. Si Cecilio ang tipo ng tao na hindi niya alam kung kakaibiganin niya o ano. She couldn’t read him. Hindi niya mabasa kung ano talaga ang personalidad nito.
“Hinihintay ka,” tugon nito sa pormal na tinig.
“W-why?”
“`Wag kang sisira ng relasyon. Huwag mong bahiran ng kasakiman ang pag-ibig diyan sa puso mo. `Wag mong ipilit ang sarili mo sa isang taong ayaw sa `yo. Hind
