Chapter Forty-one
"Cecilia, nagsisimula pa lang tayo sa pag-e-ensayo pero nakakarami ka na ng absent," seryosong ani ni Nevara sa akin. Pagkatapos niya akong patakbuhin at paikot-ikutin sa buong mansion ay iyon ang una niyang binanat pagkaupo ko. So, ano iyong pagtakbo ko kanina? Parusa?
"Hindi na mauulit, Nevara," ani ko sa babae na nag-adjust ng salamin niya at relax na sumandal sa upuan.
"Hindi porke asawa ka ni Saint ay ligtas ka na sa tuwing absent ka. Maiksi ang pasensya ko sa mga tamad---"
"Hoy! Grabe ka sa akin ha. Absent lang ako tapos tamad na agad? May tamad bang handang tumakbo ng paulit-ulit?"
"Kung hindi ka tamad... let's go sa gym," tumayo ito kaya naman sumunod ako.
Lumapit si Nevara sa punching bag. Hinawakan pa niya iyon. May staff ito na lumapit at sinuotan ako ng
