Chapter Twenty-six
Suot ko ngayon ang gold dress na likha ni Tita Keia Zimmer. Gandang-ganda ako sa ayos ko ngayon. Talagang may mga nagpuntang tao para ayusan ako.
"Boss, ready na si ma'am," si Jeky na nanonood habang inaayusan ako ay sobrang excited na ibinalita kay Saint na ready na ako. Lumapit ang lalaki. Tumayo ito sa likuran ko at pareho naming pinagmasdan ang ayos ko sa salamin.
"Beautiful," bulong nito sa akin. Saka nito isinuot sa akin ang isang alahas na kasama nitong pinili no'ng mag-shopping kami. Sa tuwing tinatamaan ng liwanag ay kumikinang pa lalo.
Hindi ko akalain na makakapagsuot ako ng gano'ng alahas. May mga ganitong alahas si mommy. Pero simula no'ng dumating sina Mama Alora at Vernice ay sila na ang nagmay-ari no'n.
"Saint, ang pogi mo rin. Mamaya huwag mong
