Chapter Fifty-six
Palengke. Simpleng lugar lang pero galak na galak na ako na narito kami ni Saint. Nang hilain ako ni Saint sa isang direction ay hindi ko siya pinigilan. Kung kokontrahin ko kasi ang hila nito ay tiyak mahaharangan namin ang mga dumaraang tao. Nakarating kami sa bilihan ng ipit. Agad itong nagtingin doon. Nang nakapili ito ng clip ay agad nitong binayaran. Buti na lang at may panukli si Manang. Habang abala ang ginang sa pagbibilang ng panukli nito ay humarap naman sa akin si Saint. Binuksan niya ang napiling clip at in-clip niya ang buhok ko.
"Beautiful," puri ng lalaki.
Hindi ko napigilan ang ngiti ko.
"Uy, baka ma-fall ka na," biro ko. Pinisil lang naman nito ang baba ko bago niya kinuha ang sukli. Nagpatuloy kami sa paglalakad. Siksikan pero walang reklamo si S
