Tatlong linggo at tatlong araw nang hindi mapakali si Luis. Halos araw-araw siyang kinukulit ng mga kapatid niya tungkol kay Simone. Ngunit anong magagawa niya kung hindi niya mahanap ang babaeng iyon? Pati ang email address na nakuha niya sa cellphone nang mag-send ito ng mga litrato ay ginamit na niya ngunit wala pa rin. Out of desperation ay nag-message pa nga siya sa email address na ‘yon to invite her to go on an out of town trip with him. Kundangan kasi ay binura niya ang number ni Simone noon, mas madali sana kung numero ang mayroon siya.
Habang naghihintay ng boarding time niya sa Changi aiport kung saan siya dumalo ng ilang photo shoot at press conferences para sa susunod niyang mga karera, tumawag na naman ang kapatid na si Dominic. Pangatlong tawag na nito sa kanya sa bu
