"Let's get it on!" muli pang sigaw ni Leon, kasunod nang malakas niyang paghalakhak.
Hindi lang simpleng magaling si Leon pagdating sa pagmamaneho ng big bike. Hindi lang siya maalam kung paanong mag-maneuver ng isang motor, kung 'di kilala rin siyang Grand Prix champion sa isang motorcycle racing.
Road racing or off-road, both either on circuits or open courses, and track racing— gamay niya ang bawat parte ng motor at kung paano iyon imaneho. Kaya bilib na bilib ako sa kaniya ngayon.
Sa kabila ng ingay ng putukan ay dinig na dinig ko pa rin ang malakas niyang pagtawa. Tila ba hindi ito natatakot na baka matamaan siya ng bala, mas nae-excite pa siya sa paulit-ulit niyang pag-banking at pagpapaandar nang nakatalikod.
Hindi ko naman din magawang matakot, o pag-alangang baka mahulog ako.
