Mariin akong nakatitig sa daliri ko kung saan nakasuot ang isang singsing. Manipis lang iyon at may maliit na bato sa bandang gitna. Simple, pero sa katayuan ni Brayden sa buhay ay hindi lang ito basta-basta.
Kailan niya kaya ito binili? Kailan lang ba? O matagal na? At talaga bang inaya niya akong magpakasal? Sa totoo lang ay halos hindi ako makapaniwala na hanggang ngayon ay hindi pa rin mag-sink in sa utak ko.
Sa gulat ay hindi ako nakapag-react kanina at ngayon na habang nakatitig ako rito ay doon lang kumalat ang samu't-saring emosyon sa puso ko. Damang-dama ko ang pagkakapuno ng dibdib ko, gusto nang sumabog nito.
Hindi ako nakapagsalita, walang oo o pagtanggi na nangyari. Sa kalutangan ko ay hindi ko na nasundan pa ang nangyari. Hindi ko na nga namalayang naroon na kami sa yate a
