Hindi ko alam kung nakatulog ba talaga ako kagabi, o sadyang maaga lang akong nagising ngayon. Pasado alas tres pa lang ng madaling araw. Pati itong pagkaantok ko ay pinagdududahan ko na.
Sa bilis ng pangyayari ay hindi ko na halos masundan. Parang kailan lang noong unang magising ako rito. Hindi pa ako marunong lumangoy no'n. Hindi rin alam kung paano mangisda, kung paano lutuin ang ibang putahe, lalo ang mahihirap.
Hindi rin ako maalam sa self defense; sa paghawak ng baril at sa actual na paggamit nito. Ngayon ay naranasan ko nang pumatay. Pakiramdam ko tuloy ay hindi lang buwan ang nagdaan kung 'di taon.
Para bang ilang taon akong nakulong dito sa isla. Marami akong napagdaanan, at the same time ay natutunan. Malaking bagay na sa akin itong paglalagi ko sa isla at masasabi ko, na sa
