Naiinis na hinampas ko ang dibdib ni Brayden at saka mabilis na kumawala sa kaniya, pero imbes na pakawalan niya ako ay mas lalo lang din humigpit ang pagkakahawak niya sa baywang ko.
Hindi pa ito natuwa, saglit siyang sumisid upang umikot sa harap ko kung saan ay bulgar na niyang nakikita ang malayang pagtulo ng luha ko. Nagulat si Brayden, natanaw ko pa ang pag-awang ng labi nito.
Suminghot ako, kapagkuwan ay madaling pinunasan ang mga luhang namalisbis sa pisngi ko. Bandang huli ay tinakpan ko na lamang ang mukha ko gamit ang dalawang palad ko sa sobrang kahihiyan.
Bakit ba ako umiiyak? Bakit ko ba siya iniiyakan? Ano naman kung mamatay siya?
"Did I scare you?" Naging banayad ang boses ni Brayden nang sabihin niya iyon, para bang ibang katauhan niya ito at hindi ko nakilala ang pagi
