Halos masuka ako sa sinabing iyon ni Xian, tuwang-tuwa siya at halos yakapin niya ako. Nagawa pa nitong hawakan ang dalawang kamay ko. Masuyong pinipisil habang hindi pa rin maalis ang labis na kasiyahan.
Wala ito sa script ko; ang sabihin sa kaniya na may anak ako, pero lintik at gusto ko na itong matapos sa lalong madaling panahon. Habang tumatagal na magkasama kami at nakikita ko siya ay mas tumitindi ang galit na naroon sa puso ko.
Hanggang ngayon ay malinaw pa rin sa isipan ko kung paano niya binaril ng ilang beses si Brayden. Lahat ng kasinungalingan niya noon sa akin para lang i-brainwash ako ay alalang-alala ko pa rin.
"I didn't know we had a baby. Sana pala ay hindi na ako umalis," mangiyak-ngiyak niyang sinabi.
Kamuntikan pa akong mabuwal sa harapan niya nang idikit nito ang
