Sising-sisi ako ngayon kung bakit ako pumayag sa gusto ni Christian Melendrez. Pero sa kagustuhan kong malaman ang totoo ay iyon na lang ang naisip kong paraan. Wala na akong pagpipilian pa.
Napahinga ako nang malalim bago lumipat ang tingin sa mga litratong nakadikit mula sa white board na nasa harapan namin. Isa-isa niya iyong itinuturo habang ipinapakilala sa akin ang lahat; ang mga pangalan at ano sila sa buhay ni Brayden.
"Lahat iyan ay tauhan ni Brayden. Take note na dati silang mga militar sa iba't-ibang bansa, mayroon na galing United States, Russia, China, Japan and South Korea. May ilang napabilang din sa Philippine army. Kaya masyadong malakas ang kampo niya." patuloy na pahayag ni Xian, samantalang tanging paninitig lang ang nagagawa ko sa mga litratong ipinapakita niya.
May
