“Okay ka lang? bakit ba nagpakabasa ka sa ulan? Baka sakitin ka niyan.” Anas niya saka niya iniabot sa akin ang twalya. Pinunasan ko naman na ang katawan ko dahil basang basa talaga ako. Hindi ko masyadong kilala si Erick pero mukha naman siyang mapagkakatiwalaan, alam kong masyado na akong naging padalos dalos na magdesisyon ngayon pero nasasaktan ako. Nasasaktan nanaman ako sa iisang dahilan lang.
“Diyan ka na muna, maghahanap lang ako ng pwede mong isuot.” Wika niya, hindi naman ako umimik at nanatiling nakatulala sa kung saan. Ayaw ko ng nakikipag-away ako ng dahil lang sa lalaki pero mukhang kahit gusto kong iwasan ay hindi ko pa rin magagawa.
“Mga gamit ito ng kapatid ko na naiwan niya dito, itong mga under garments mukhang hindi pa niya nagagamit, gamitin mo na lang.” iniabot ni
