Kinabukasan ng umaga ay sinundo si Rona ng Daddy niya. Pagkagaling sa boarding house ay pumunta sila sa mall na pinagtatrabahuhan niya, hindi para magpasa ng medical certificate o para pumasok sa trabaho kundi para magsumbit ng resignation letter niya.
Lubhang nagulat ang mga katrabaho niya at halos lahat ay nagtanong kung bakit biglaan ang pagreresign niya. Sinabi na lang niya na personal ang dahilan. Hindi rin siya nagpasama sa Daddy niya sa loob para hindi na lang siya masyadong pagtsismisan ng mga katrabaho niya.
Sinubukan niyang kontakin si Becka para maayos na magpaalam dito, pero hindi pa rin niya ito makontak! Hindi rin ito umuwi ulit kagabi. Nag-iwan na lang tuloy siya ng maikling sulat para kay Becka at sinabi niyang kailangan muna niyang umalis... Pero babalik siya at hahanapi
