الجزء الثالث

1164 Words

ايوة هو ده الكافيه كويس مش بعيد دقيقتين ابقى قدامه يارب بس الزحمة بتاعت العربيات دى تخف شوية خلاص دماغى هتنفجر عايز كوباية القهوة والسيجارة علشان اعرف اكمل اليوم امشى بقى انا مش عارف ازاى منطقة زى دى مفيش فيها ظابط مرور يساعد على تخفيف الزحمة والعطلة دى ايه هقف ساعة علشان اركن بس العربية (كان الطريق واقف لان الوقت ده وقت خروج موظفين من اشغالهم ,وقت الذروة زى ما بيتقال..زحمة جدا والعربيات كلها واقفة بسبب حادثة بسيطة بين تا**ى وعربية ملاكى وطبعا مينفعش تعدي من غير خناقة حتى لو مفيش حاجه هتتغير بس المهم الخناقة والصوت العالى الشارع كله متعطل لحد الخناقة ما تخلص وللاسف مفيش شارع جانبى ينفع اهرب منه وطبيعى ساعتها مش هبقى الوحيد اللى بيفكر وكل العربيات المتعطلة دى هتبقى فى نفس الشارع اللى ههرب منه) ياااااااااااه اخيرا الخناقة خلصت واخيرا العربيات هتمشى واقف ربع ساعه علشان بس ادخل كمان على بعد دقيقتين لو كنت ماشى على رجلى بس هعمل ايه بقى مضطر مش هينفع اسيب العربية فى نص الشارع وانزل كافيه شكله لواحده من بره مريح للاعصاب بركن عربيتى وانا بتخيل كوباية القهوة من السيجارة اللى هينسونى كل التوتر اللى انا فيه ده ركنت عربيتى ونزلت ودخلت الكافيه اد ايه الجو العام بتاع المكان لوحده كفيل انه يجدد النشاط والحيوية حتى ركن المدخنين فيه كان منظم بطريقة مريحة جدا كل طاولة جنبها شوية ورود واشجار صغيرة كده تديلك طاقة ايجابية وتريح عنيك من المنظر بتاع الزحمة جدران الكافيه عليها لوحات طبيعية بحور ومناظر ممتعه للسماء و الاشجار كلها مناظر طبيعية مريحة للعين والاعصاب انا علشان كده بحب المكان ده بسبب الجو العام بتاعه اللى بينسينى اى ضغط عدا عليا فى اليوم بتاعى وبيخفف اى توتر حتى قبل م اطلب القهوة بتاعتى او اولع سيجارتى المكان بيتميز بالهدوء حتى العاملين فيه او الاسطف بتاع المكان منتهى الذوق والهدوء كل واحد واقف فى المكان المخصص له بمنتهى الهدوء مع الابتسامة الهادية متلاقيش ويتر ييجى يقف على راسك علشان يستناك تطلب او تفضل عينه عليك لحد ما تنده عليه علشان قلقان انك بعد ما قعدت شوية ارتحت من الزحمة تمشى من غير ما تعمل اوردر لا كله نظام المكان اخدم نفسك بنفسك يعنى انت بتختار طلبك من على المنيو المعلق على لوحة فوق الكوانتر وبتطلبه بيجهز فى ثوانى وانت واقف بتاخد اوردرك وتروح تقعد على الطاولة اللى بتختارها بمنتهى الهدوء والاريحيه وبرغم الجو العام للمكان الا انه علطول زحمة دايما تلاقى فيه ناس من كل الاعمار شباب الجامعه واسر صغيرة وحتى كبار السن سمعة المكان وشعبيته مش بتحتاج كلام كتير عنها معلش بحكى كل حاجة بالتفصيل علشان تعيشوا معايا كل الاحداث دورت بعينى فى كل المكان ادور على مكان فاضى اقدر اخد قهوتى واروح اقعد فيه شوية لحد الميعاد بتاعى كان المكان الوحيد اللى ممكن يتقال عليه فاضى كانت طاولة كبيرة قاعد عليها راجل فى الاربعينات من العمر يبان عليه الرقى والذوق كده ب*عره الرمادى والملابس الراقية الكلاسيكية والساعة الغالية اللى تدل على مستواه المادى الفوق متوسط ونظارته الكلاسيكية اللى من وراها مركز نظره فى لاب توب من ماركة معروف سعرها العالى جدا فى سوق الالكترونيات وتقريبا كان مشغول فى شغله لانه كان فاصل نفسه عن كل اللى حواليه ومركز بشده جدا فى اللاب توب بعيد عن كل ده انا دلوقتى فى مشكلة هو مفيش مكان فاضى غير على الطاولة بتاعته وانا بصراحة مش مستعد اخرج من المكان واروح ادور على مكان تانى اقعد فيه غير ان المكان ده اقرب مكان لميعادى المنتظر لمجهول الهوية وفى نفس الوقت مش قادر افضل واقف كده لحد ما تفضى طاولة تانية بصراحه محتاج اشرب قهوتى وسيجارتى بمزاج رايق لا مفر من انى اروح احاول معاه بذوق ورقي انى استغل المكان الفاضى على الطاولة الكبيرة اللى مستغلها لواحده مش هيضايقه اكيد انى اخد جزء صغير منها علشان احط عليه كوبايتى والطفاية بتاعت السجاير وفى نفس الوقت هيبقى في بينى وبينه مسافة يعنى مش هكون مص*ر ازعاج بالنسباله خدت الخطوة وقررت اروح اتكلم معاه وبذوق قربت مني لكن اتصدمت بمجرد ما لمحت عنيه طبعا انتم مش متخيلين ايه اللى شوفته او ايه اللى صدمنى لكن للاسف هى هى النظرة المحبطة الم**ورة دى اللى انا عارفها كويس هى دى علامة مصيره المحتوم هى دى ا****ة اللى بتلاحقنى اللى بتمنى انى اتخلص منها فى اقرب وقت واقرب فرصة ا****ة اللى خلتنى ابطل انام اللعنى اللى خلتنى اعرف نظرة الراجل ده معناها ايه نظرته تدل على انه على مشارف الموت..لاء مش على مشارف الموت ده هيموت بكرة ..مفيش مفر ..علامات نظرته فيها كل الدلائل اللى تاكدلى انه ميت بكرة مش متخيلين ولا مستوعبين ازاى الهاتف اللى جوايا بيأكدلى انه فعلا الشخص الراقى الهادى دى بكرة هو ميعاد موته اد ايه الحاسة دى بالنسبالى مؤذية بتعذبنى وبتعكر حياتى وبتفسد عليا اى لحظة هدوء بمر بيها من وقت اللى حصلى بقيت واقف قدامه مش عارف اعمل ايه اصل حتى لو حبيت اتكلم معاه او اقوله اى حاجة هيكون ايه اللى هيتقال في ايه ممكن انصحه بيه ميعاده بكرة ..تاريخ موته بكرة ..مش هيهرب منه ..مفيش فايدة من اى حاجة ممكن تتقال او تتعمل لكن اخيرا خدت قرار انى امشى من قدام الطاولة بتاعته مش مهم هعمل ايه او هروح فين لكن مش قادر اواجهه ولا قادر اشوف معالم الموت اللى على وشه لكن للاسف هو كان اسرع مني فى قراره لما شال نظارته الكلاسيكية من على عنيه وازاح ب هدوء اللاب توب من قدامه وسمح ليا انى اقعد على الكرسى المقابل للكرسى بتاعه حسيت ان قلبى صوت دقاته عمال يعلى ويزيد ..وعنيا مركزة جدا على وشه والصوت اللى جوايا بيعلى ويزيد وهو بيأكدلى معلومة انه هيموت بكرة..هيموت بكرة ..هيموت بكرة خلاص حسيت نفسي مش قادر عنيا بقيت زايغة مش قادر ابص فى وشه حسيت ان وشى تلج ومش قادر على انى افكر فى ازاى اتصرف خصوصا انى مجهد ومرهق من قلة النوم اصلا طيب امشى من قدامه هتكون قلة ذوق مني بعد ما سمحلى انى اقعد معاه بمنتهى الذوق والرقى ..لكن بصراحة انا شايف ان قلة الذوق فى الموقف ده هى الحل الامثل خاصة انها هتمنعنى انى اواجه مشكلة زى دى انا اصلا مرهق ومنزعج بما يكفى يعنى معنديش طاقة ولا استعداد لأى موقف مؤثر مر عليا لحظات وانا واقف قدامه مش عارف الف وامشى مكان ما جيت ولا اقعد واواجه الموقف اللى بقى بيزعجنى ويأكدلى ان اللى بيحصل معاية مش هبة ولا ميزة ولا حتى حس اللى بيحصل معاية دى لعنة انا خلاص مش قادر حاسس ان جهازى العصبي بينهار علشان المح فى عنيه نظرة بريئة طفولية بملامحه الراقيه علشان نظرته تزود دقات قلبى وتوتره انا واقف دلوقتى قدام شخص ميت او فى عداد الاموات وكأن الاشخاص دى بتتعمد تظهر فى حياتى فى اصعب الاوقات اللى بمر فيها واكتر الاوقات اللى بكون حاسس فيها بالتوتر والقلق علشان اتأكد للمرة المليون انها لعنة واقسم لكم انى ولا يوم مر عليا كنت فيه سعيد ومبسوط ب امتلاكى للقدرة المكروهة بالنسبالى دى ومش عارف اقولكم انا اد ايه حاولت اتخلص منها او ادور على اي حاجة تخلينى ابعد عنها نهائيا حتى بعد ما دخلت فى عالم الجن والسحر وكتب الدجل بكل انواعها الا انها اصرت على مطاردتى المستمرة ..لدرجة انى يأست بعد دخولى عالم الشياطين من غير اي فايدة لدرجة انى قررت اقفل الباب ده ومفتحهوش تانى ومرت سنة على بعدى عن الكتب دى اللى اقتنعت ان الدخول فيها مش بينتج عنه غير كوابيس والكوارث اللى بتيجى من وراها مدمرة للروح وللاعصاب وخاصة انها

Free reading for new users

Scan code to download app

App Store Google Play

Facebookexpand_more