“Anong ginagawa mo rito?” ulit kong tanong kay Ashton. Kita kong hirap pa siyang makatayo nang matagal.
“I just want to see you… and talk to you,” bigla ang seryosong pahayag niya. Bago pa ako makasagot ay nakita ko si Millerd na nagmamadaling naglalakad papunta sa kinaroroonan namin.
“Ashton,” hinihingal na sambit nito. “I told you to wait for me. Naghanap lang ako ng maayos na parking. Hindi ka pa puwedeng maglakad nang maglakad. Ang layo pa naman ng nilakad mo.”
Napalunok ako sa sermon ni Millerd at muling napatingin sa mga hita ni Ashton. Kita ko rin ang hingal niya at alam kong nakadepende lang siya sa mga saklay na dala niya.
“Hi, Aviona!” bati pa sa akin ni Millerd. Napilitan akong ngumiti at tumango.
“H-Hi!” medyo nautal kong bati. “Iuwi mo na nga itong kakambal mo. Baka kung
