“Pero ako ang nagsabi na magbabayad tayo. Bilang respeto. Bilang dignidad pa rin natin,” pagbibigay-diin ni Kuya.
May parte sa akin ang gustong magpasalamat. Mayroong gusto ang magtago.
May bahagi rin ang natatakot na baka habang sinasabi nilang walang kapalit, may mabigat pa ring obligasyon na hindi ko kayang tumbasan.
“Alam mo ba,” dagdag ni Melody, mas maingat ang tono, “noong nasa ICU ka pa, halos hindi umalis dito si Ashton. Kahit hindi siya pinapapasok, nakaupo lang siya sa labas. Hindi kumakain nang maayos. Tapos iyong mommy niya, kinausap pa si Kuya mo para sabihing huwag na raw isipin ang bills.”
Napapikit ako.
May biglang kumirot sa dibdib ko. Ngunit kasabay din niyon ay ang mumunting saya kasi ramdam kong nag-aalala sa akin si Ashton. Hindi rin niya ako iniwan.
“Hindi ko a
