Miss ko na ang boses niya at ang mga pagbibiro. Nami-miss ko iyon kahit minsan naiinis ako sa kayabangan niya.
Maya-maya ay tuluyan na akong hinila ng hindi mapigilang antok.
“Talaga?”
Hindi ko alam kung nasa kalagitnaan ako ng panaginip ko o talagang may nauulinigan akong boses.
“Oo, Ashton… kaninang umalis ka. Doon naman siya nagising. Gusto nga niyang tawagan kita kaya lang–”
“Bakit hindi mo ako tinawagan agad?” putol ni Ashton.
“Ako ang nagsabing hayaan ka lang munang makatulog at magpahinga.” Boses naman ni Kuya ang sumunod kong narinig.
Hanggang sa maramdaman kong may humawak sa kamay ko kaya napasinghap ako at doon ako nagising. Tila kusang dumilat ang mga mata ko at napalingon sa humahawak sa kamay ko.
Si Ashton!
“Aviona…” puno ng pagsuyo at damdamin ang pagtawag niya sa
