Pagsapit ng fourth quarter, halos hindi na ako makahinga.
Tabla pa rin ang score pagpasok ng huling yugto. Ilang beses nang nagpalitan ng lamang ang dalawang team, pero palaging bumabalik sa deadlock.
“Grabe… para na itong giyera,” bulong ni Melody, pero nakatayo na siya kasama ng halos buong gym.
Mas maingay na ngayon. Mas magulo at mainit kahit ang lalakas ng buga ng aircon.
Tila mas naging delikado ang bawat galaw ng magkabilang team.
Sa pagpapatuloy ng fourth quarter, nasa Hawthorn ang bola. Mabilis ang pasahan. Nabasag nila ang depensa ng Herald. Isang malinis na jumper mula sa elbow.
Pasok ang tira. Sumabog ang nakabibinging hiyawan at palakpakan sa Hawthorn side.
“Defense! Defense!” sigaw ng Herald supporters.
Pagbalik, hawak na ni Ashton ang bola. Kita ko ang pagod sa balik
