Third Person POV
Sa loob ng VIP floor ng ospital, hindi pa rin tuluyang humuhupa ang tensyon.
Kahit lumipas na ang halos isang araw mula nang mangyari ang aksidente, ramdam pa rin sa bawat tao sa paligid ang bigat ng nangyari.
Sa isang pribadong waiting lounge ng hospital wing, tahimik na nakaupo si Ashton sa kaniyang automatic wheelchair. Nakayuko siya habang mahigpit na hawak ang cellphone niya.
Sa screen ay nakalagay pa rin ang pangalan na matagal na niyang tinititigan.
Aviona.
Ilang beses na niyang tinawagan iyon mula pa kahapon. Hanggang ngayong umaga Pero pareho lang ang resulta.
No answer.
Muli niyang pinindot ang call button. Tahimik ang paligid habang nagri-ring ang telepono sa kabilang linya.
Hanggang sa tuluyang tumigil. Hindi na naman sinagot.
Humigpit ang hawak ni As
