Ang sumunod na picture ay nakaupo na si Aviona sa loob ng sasakyan habang isinasara ni Deckard ang pinto.
At pagkatapos, isa pang maikling video clip. Pinindot ni Ashton ang play.
Sa video, malinaw na makikita sina Deckard at Aviona na magkasamang lumalabas ng hotel entrance.
Magkasabay. No… hindi lang magkasabay kundi magkasama talaga. Halatang… parang galing sila sa iisang lugar.
“Magkasama ba sila mula pa kagabi?” hindi niya namalayang nausal niya.
Biglang sumikip ang dibdib niya. Hindi niya napansin na mahigpit na pala ang pagkakahawak niya sa cellphone niya.
“Damn it…” mahina niyang bulong. Agad niyang binalikan ang message ni Jannie.
Look who I saw this morning going out of Red Dragon Hotel with a guy?
Para bang paulit-ulit na umuukilkil sa utak niya ang mga salitang iyon.
S
