Hindi iyon basta larawan lang. Video iyon na halatang hindi peke. Hindi iyon puwedeng basta maling akala.
“Damn it…” mariin niyang bulong. Muli niyang pinindot ang call. Pareho pa rin ang sagot ng automated voice.
Cannot be reached.
Unti-unting kumukulo ang dugo niya. Sinisikap niyang gamitin ang utak niya kaysa pairalin agad ang galit niya.
Hindi rin puwedeng ganoon lang iyon. At lalong hindi maaaring walang paliwanag.
Bigla siyang lumingon nang maramdaman niyang may lumapit sa kaniya.
Si Millerd.
Napansin nito ang ekspresyon ng kapatid. Hindi alam ni Ashton na kanina pa siya nito pinagmamasdan.
“Ashton?” tanong nito. “What’s wrong?”
Hindi agad sumagot si Ashton. Mahigpit ang pagkakahawak niya sa cellphone habang nakatitig pa rin sa screen.
“Mill,” sabi niya sa wakas, mababa ngu
