“Attorney, ano po ba’ng gagawin natin? Puwede bang magpiyansa para maiuwi muna natin si Ashton? Doon na lang siya magpaliwanag,” mahinahon at banayad na tanong ni Ashnea.
“Right now, Ashton is being charged with obstruction and assault. We can request temporary release or bail, but–”
“Gawin mo,” putol ni Marcus. “Ano man ang kailangan.”
“Dad! Kaya namimihasa iyan, eh!” tutol agad ni Asher. “Dapat lang na makulong muna iyan para magtanda! Masyadong mayabang!”
“Asher, please…” may awtoridad na sa tono ni Marcus.
“Ashton,” biglang singit ni Ashnea, nangingilid na ang mga luha. “Anak… kumusta ba siya? Kumusta ang girlfriend na sinasabi mo?”
Napayuko si Ashton.
“Hindi ko po alam,” mahina niyang sagot.
At doon tuluyang napahawak si Ashnea sa dibdib niya, napaupo sa upuan sa gilid.
“Rupe
