FEW DAYS passed and it was the special day for Paul. At sinigurado ni Zionne na isa iyon sa magiging memorable na birthday ng kaniyang kasintahan.
Kaunting salu-salo lang naman sa kanilang tahanan pero sinigurado niyang walang ideya tungkol doon si Paul, dahil bago pa man ang birthday nito ay nagbakasyon na silang dalawa sa Enchanted Cave Resort. Binalikan nila ang araw kung saan ay nabuo ang kanilang pagmamahalan bagama't hindi pa noon naging malinaw para kay Zionne ang nararamdaman nito kay Paul.
Habang nasa naliligo sa may CR si Paul ay sinamantala na niya ang pagkakataon para magpunta sa may balkonahe malapit sa kanilang kuwarto. Doo'y tinawagan niya ang kaniyang ina. "Nay, nakahanda na po ba ang lahat?" paniniguro niya rito.
"Oo, anak, nandito na rin ang cake. Pauwi na ba kayo?"
