“BAKIT kailangan ko pang malaman kung sino ang ama ng anak mo, Bianca? Ang mahalaga masaya ka sa buhay mo para hindi ka na manira ng buhay ng iba.”
“Lorrene, relax. Sigurado ka ba na ayaw mong makita ang ama ng bata? Hindi mo man lang itatanong kung ilang buwan na ito?”
Lumapit pa si Bianca kay Lorrene saka kinuha ang cellphone para tumawag.
“Hello, babe? Sunduin mo na ako, please. Bigla akong nahilo, eh. Nakapamili na ako ng mga damit ng baby natin pero biglang sumama ang pakiramdam ko.”
“Hindi mo ba kayang magmaneho? Kailangan ko na kasing umuwi sa bahay. Hinihintay na ako ng asawa ko,” sagot ng kausap niya sa kabilang linya.
“Babe, sunduin mo na ako please. Baka mapaano si baby sa tiyan ko. Excited ka pa naman sa magiging baby natin. Hihintayin kita, ha? Bye, babe!” Pinutol na niy
