Nataranta kami nang sabihin iyon ni Dad.
"Sandali, Henry! Sasama ako!"
Akma akong susunod pero may pumigil sa braso ko. "Dito ka lang, Kulet. Baka makasama sa'yo."
Malakas kong binawi ang braso mula kay Alfred. "Sasama ako. Paano kung nandoon lang si Lance? Kailangan ko siyang makausap!"
Nagpatuloy ako sa paglabas ng bahay pero nakaalis na agad ang sasakyan ni Dad. Nakita kong nilagpasan ako ni Alfred at mabilis itong sumakay sa kotse niya.
"Sakay!" utos nito.
Mabilis akong humakbang palapit at sumakay ulit sa backseat dahil sumama rin si Brian. Nanlalamig at nanginginig ng mga kamay ko sa sobrang kaba. Hindi ko alam kung anong aabutan namin sa bahay ng mga Del Mundo. Kung nandoon ba siya o kung anong mangyayari sa pagsugod ni Daddy.
Hindi kami agad pinapasok ng mga security sa excl
