"Hija, kumain ka muna ng prutas. Kailangan mong magpalakas para sa sanggol na nasa sinapupunan mo."
I was too occupied na hindi ko namalayang nasa tabi ko na pala si Manang.
Naupo rin ito sa kinauupuan kong putol na puno dala ang isang bowl na may iba't-ibang prutas.
"Salamat po." Kinuha ko iyon at ipinatong sa hita ko.
Hanggang ngayon hindi pa rin ako makapaniwala na buntis ako, na magkakaanak na kami ni Lance. Pinaghalong tuwa at lungkot ang nararamdaman ko sa balitang nalaman ko kahapon.
"Ano na ang plano mo niyan?"
Muli kong tinuon ang tingin sa dagat. "Sa totoo lang po, hindi ko pa alam. Wala po akong naiisip na gawin."
"Hindi mo na ba siya ipapahanap ulit?"
"Manang, paano ko naman po ipapahanap ang isang taong kusang umalis? Ginusto niya po iyon kaya hahayaan ko na siya. Pag
