Hindi ko alam kung saan kami pupunta pero kusang sumusunod ang mga paa ko para sundan ito. Medyo nakalayo na kami nang bigla kong naramdaman ang pagkirot niyon.
"What happened?" tanong niya nang mapadaing ako.
Yumuko ako para hawakan ang parteng sumakit. Napakagat pa ako ng labi.
Pero ganoon na lang ang gulat ko nang walang ka-abog-abog niya akong binuhat. Nagpatuloy ito sa paglalakad kaya mahigpit akong napakapit sa coat niya hanggang sa pumasok kami sa loob ng elevator. Nakita kong pinindot niya ang pinakamataas na floor.
"A-ayos lang ako. Kaya kong maglakad," naiilang kong wika pero hindi niya ako sinagot.
Hindi na rin ako nagsalita hanggang sa bumukas ang elevator. Saglit pa siyang naglakad at marahan niya akong binaba nang makarating kami sa rooftop.
Agad akong napahawak sa magk
