Nang magising ako agad itong hinanap ng mga mata ko. Nakita ko itong nakaupo sa isang silya sa gilid ko habang nakadukdok ang ulo niya sa kama at hawak pa rin ang kamay ko. Si Brian naman ay mahimbing pa rin na natutulog sa kabilang kama.
Tinitigan ko siya ulit. Ibig sabihin magdamag siyang natulog nang nakaupo? Hindi ba siya nahihirapan sa pwesto niya? Dahan-dahan kong binawi ang kamay ko at hindi ko napigilan ang sarili na masuyong haplusin ang buhok niya. Ilang sandali tila nagising ito kaya mabilis kong inalis ang kamay ko doon at nagpanggap na tulog.
Naramdaman ko ang pagdampi ng labi niya sa noo ko. Pero ngayon, pati sa tungki ng ilong ko, pisngi ko at labi ko.
Naramdaman kong pumasok sa loob ng comforter na nakabalot sa akin ang mainit na kamay nito at dumapo iyon sa ibabaw ng hi
