SA ISANG building huminto sina Dianna at Maria sakay ng itim na kotse.
Majesty.
Sa labas pa lamang ay nahuhulaan na niya kung anong klaseng establisyemento iyon. Dahil sa tulong ng salaming tumatagos sa loob nito ay kitang-kita niya ang mga kagamitan. Isa iyong parlor at hindi basta-basta lamang parlor. Dahil nang makapasok sila sa loob ay kaagad silang binati ng ilang kababaihang mukhang mamahalin ang serbisyo. Lahat ay nakaunipormado ng kulay abokado.
“Good morning, Maʼam Maria,” magiliw na bati iyon ng isang bukod tanging babaeng nakasuot ng itim na uniporme.
Inilibot niya ang buong paningin. Hinayaan na muna niyang makapag-usap ang dalawang babae. Hindi niya akalaing ang kagaya ni Maria na mukhang probinsyana ay nagtutungo pala sa ganoong lugar. Sa tingin din niya ay madalas ang ba
