(Sister’s argument)
“FORTNEY, SANDALI!” tawag sa kanya ni Karen nang tumayo na siya upang bumalik sa kanyang silid. Nilingon niya ito at muntik pa siyang matumba nang hilahin siya nito.
“Bakit Ate?”
“Paano mo ipapaliwanag sa kanya na ikakasal ka na next week? Hindi mo man lang ba sasabihin sa kanya? Ano na ang gagawin ninyo?”
“Si-sino ba ang tinutukoy mo? Hindi kita maintindihan.”
“Si Garette!” malakas ang pagkakasabi nito mabuti na lang at malayo sila sa nag-uusap niyang ama at si Alejandro. “Alam kong lihim kayong nagkikita. Alam kong mahal pa rin ninyo ang isa’t isa.”
“Hindi ko alam ang sinasabi mo.” Iniwas niya ang tingin sa kapatid.
“Nakausap ko siya kanina.”
“Na-nakausap mo siya? Paano?”
“Tumawag siya sa mobile phone mo nang kumakain ka kaninang umaga. Ako ang sumagot.”
“Hi
