"Oo na hindi ako nakapag paalam at pinag alala ko kayo. Ano pa bang ikinagagalit mo? Nandito na kaya ako. Hayy...kung maka react ka kasi akala mo nawala na talaga ako," sabi ko. Hindi naman niya ako sinagot at tinalikuran ako tsaka tumungo sa closet niya.
"Iyung ice cream ko. Paki balik na sa akin," untag ko. Lumingon siya sa akin.
"Sa akin na 'to," sagot niya. Ano?! Hindi ako makakapayag. Huling dalawang gallon na 'yung nakuha kong ice cream sa refrigerator tapos kukunin niya pa sa akin ang isa. Hindi naman ako makakapayag nun kaya tumayo ako at sinubukang kunin sa kanya. Pero agad niyang inalayo niya sa akin ang ice cream ko.
"Ang damot mo naman. Ito lang hindi mo pa kayang ibigay sa akin," sabi niya at lumayo sa akin. Sinundan ko siya at hindi tumitigil sa pag kuha ng ice cream ko.
