Hinalughog ang loob ng tahanan nila Diego. Walang magawa si Doña Estepha kundi ang tanging pumayag sa nais ng alperes. Kasama nito ang kanyang mga guwardiya-sibil. 'Di sila nagtantan sa paghahanap ng dagdag pa na ebidensya para sa ikakabagsak ng gobernadorcillo.
Si Beatrice nama'y 'di iniwaldas ang nakakasakal na titig sa alperes at sa mga kasamahan nito. Pinigilan niya ang alperes nang ito'y humarap na sa pintuan ng silid ng gobernadorcillo. "Wala kang karapatang pumasok diyan, Alperes!" anang Beatrice. Kaagad na tumingin sa kanyang gawi ang alperes saka naglaan ng 'di kaaya-ayang ngisi.
"Bakit, Beatrice? May tinatago ba ang gobernadorcillo sa loob?" Nairita si Beatrice sa tinuran ng alperes. Nais niya itong sabunutan ngunit nilabanan niya ang kanyang matagal ng puot sa alperes.
"Ha
