Madaling lumaganap ang iba't ibang balita sa buong bayan ng San Rafael dulot ng pangyayaring natunghayan sa mismong kaarawan ng gobernador-heneral. Ang mga pahayagan ay nagsikalat na at mga kuro-kuro ay 'di na mapigilan. Marami ang 'di makapaniwala sa nabalitaang paglason ng gobernador-heneral. Ang iba'y nagtanim na ng puot ngunit may natira pa ring naniniwala sa kabutihan ng gobernadorcillo. Alam nilang inosente ito at mapapatunayan ito, mismo sa loob ng Audencia Real. Sa kabilang dako, ang pamilya ng gobernador-heneral ay handa nang makapanayam ang pamilyang Guevarra upang simulan ang kaso na siyang gaganapin, 'di magtatagal. Dinaramdam ng lubusan ni Dona Estepha ang sinapit ng kanyang asawa. 'Di kayang waldasin ninuman ang kanyang namuong pighati at walang patid na pag-iyak. Nagugulu