29.
Dark Zion Buenavista's POV
"Ayos ka lang bang maiwan dito?" ang tanong ni Manang Isay, matapos ayusin ang makapal na kumot na nakakumot kay Eloise na natutulog na ngayon at bumaba na ng bahagya ang lagnat.
Marahan naman akong tumango. "Ayos lang ako, Manang. Magpahinga na kayo."
Binalingan niya ako at bahagyang tinapik sa braso. "Osige. Pero, hindi ka ba kakain manlang muna? Anong oras na rin hindi ka pa naghahapunan."
"Mamaya siguro, Manang. Sasabayan ko na si Eloise paggising niya."
Marahan lang siyang tumango bago saglit pa na balingan si Eloise ng may pag-aalala sa kaniyang mga mata. Sinamahan ko siya palabas bago ako muling bumalik sa loob para bantayan si Eloise, na hindi pa rin gumigising simula ng malaman kong inaapoy siya ng lagnat. Ngayon lang bumaba ng kaunti ang lagn
