Chapter 14
Zhiya Sabriya Smith
TULAD ng sabi niya sa text dumating ako agad sa sinasabi niyang lugar. Pagkarating ko sa harapan ng Hayes Tower, hindi ko maiwasang mapagisip. Malamig ang hangin, pero mas malamig ang pakiramdam ko. Bakit dito? Ano na naman ang iniisip ng lalaking 'yon?
Muling nagvibrate ang cellphone ko. Isang text.
Rooftop. Now.
Halos manlaki ang mga mata ko mensahe, pero wala naman akong magawa kundi sumunod. Ayoko nang humingi pa ng paliwanag—dahil siya ang masusunod. Gagawin ko ito. Para kay Seve.
Pagkapasok ko sa lobby ng gusali, isang lalaking nakaitim ang suot ang agad na lumapit. Matangkad. Matikas pero malamig ang ekspresyon.
"Rooftop. Dito ang daan," sabay turo niya sa elevator sa dulo.
"Wait," pigil ko, habang mabilis ang kabog ng dibdib ko. "Bakit doon?
